Urkunde 1321 Februar 5
Urkundentext
5. Februar 1321
Diederich Abt zu S. Pantheleon in Köln gibt dem Schulte Johan und Hillen seiner Gattin, gewisse Güter, die in den Hof Eyclo gehören und Hoilthusen genannt werden, in Erbpacht, mit der Bestimmung jedoch da dieselben stets zu Leben empfangen werden sollen, im J. 1321.
In nomine domini Amen
Nos Theodericus diuina miseracione abbas Monasterii Sancti Panthaleonis ordinis sancti Benedicti in Colonia notum facimus vniuersis presentes litteras visuris et audituris Quod nos prouida deliberacione cum beneficiatis hominibus nostris in Eyclo prehabita quedam bona nostra in curtem nostram Eyclo pertinencia que Hoilthusen appellantur concessimus et concedimus per presentes johanni villico nostro ac Hille coniugibus eorumque heredibus pro perpetuo et hereditario censu trium solidorum Colonìensium den bonorum et legalium quos ipsi coniuges vel eorum heredes in die beati Martini episcopi hyemalis soluent et soluere tenebuntur singulis annis in curtem nostram Eyclo predictam villico pro tempore existenti et a nobis aut nostris successoribus constituto, lta quod nullus casus qualitercumque eueniat ipsos vel eorum heredes aut successores ad quoscumque deuenire contigerit a solucione dicti census releuare poterit nec aliqualiter excusare Huiusmodi eciam condicione adiecta quod dicta bona a nobis et a nostris successoribus suscipi debent semper et pro suscepcione dabitur nobis vel successoribus nostris duplex census bonorum eorundem ab heredibus dictorum coniugum vel si ad aliquam manum aliam deuenire contigerit bona prenotatay.
Vt autem dictis coniugibus et eorum heredibus vel successoribus vt est pretactum magis cautum existat presentes litteras eisdem tradidimus Sigilli nostri appensione communitas
Actum foris ecclesiam in Eyclo presentibus Godefrido capellano, nostro Henríco pastore de Pinstorp, Rutgero de Dorenburg milite, Johanne de Dorenburg, Johanne de Dalhusen, Henemanno de Eyclo, Francone de Wattinscheit armigeris, Arnoldo de Hoyfsteidin, Panthaleone super Laire, Sygebodo ibidem Heynzo et Bertolfo vltra ripam, et Henrico de Marmanshagin, beneficiatis nostris in Eyclo et Daniele de Hersele, Sculteto nostro Colonie, et aliis quam pluribus probis et honestis
Quinte Idus februarii Anno domini Millesimo Trecentesimo vicesimo primo.
Literatur
- Strange 1868, S. 58f.
