Urkunde 1373 Oktober 31
Urkundentext
31. Oktober 1373
Gerichtliche Disposition was die Nachkinder des Goswin von dem Oberhaus erhalten sollen v. J. 1373
Ich Reyner van Westerholte Richter tho Rekelinchusen to der tyt Do kundich allen luden dat vor my ind vor dat gherichte tho Rekelinchusen dar ich zait in stait ind in stoyle is comen Goswin van den Ouerhus Styne ind Elisabet zine kindere ind hebbet bekant were dat Conegund Goswins wif vorg Dyderich Quastes[Anm. 1] dochter kyndere hedde van Goswins dey kindere zolden hebben dey erftal van den gude ind van der gulde dey Goswin Styne ind Elizabet vorg ghemaket hadden.
Gonegunde vorg tho er liftucht Ind vort zolden Gonegunde kindere hebben en gud geheyten thor Grume[Anm. 2] dat geleghen is in den Gerichte tho Boychem. En gud geheyten tho Boyuinchusen dat geleghen is in den Gerichte tho Castorpe dat her vormals was Johans van den Ouerhus geheyten Henniken Hugo Ind alle dey Breyue hallef dar neyn erue ofte neyne gulde vor en steyt dey reyde gelt sprecket. Ind dey Conegunde kindere zolden desse twe vorg gude myt er moyder liftucht ind dey breyue vorg hallef hebben ind besitten erflike myt eneu erfliken rechte.
Mit also dane vorwerden ind vnderscheide dat Conegunde kindere vorg van den vorg breyuen zolen Goswins schult hallef betalen allet dat hey schuldich is. Were ok dat dey kindere afliuich worden ofte storuen dey Conegund vorg van Goswine eren manne hedde also dat dey vorg Cunegunde kindere neyne kindere van en gheboren achter en leyten dey leuendich bleuen.
So zolde dit samentlike gud myt namen dey halue tende tho Puntberghe bi Orzoi, dat gud tho Berniuchusen dat gelegen is in den kerspele to Castorpe, dey halue hoyue tho Berzinchusen dey geleghen is in den seluen kerspele veyr mark geldes vte deme gude tho Holthusen dey ok gelegen is in den seluen kerspele drey mark geldes vte den gude to Ebbinchusen dat gelegen is in den kerspell tho Rekelinchusen dat gud thor Grume vorg dat gud tho Boyuinchusen vorg.
Ind dat gelt van den breyuen vorg semmentlike vallen op Stynen ind Elizabet Goswins kindere vorg ind er rechten eruen. Ind dey zolen dyt samentlike gud hebben ind besitten myt enen erfliken rechte ewelike ind vmmermer Hur heuet Ordel ind gherichte ouer gegaen.
Ind gherichtes lude ouer ind ane ghewesen mit namen Dyderich Quast van Strunkede, Alef van den Ouerhus, Herman van Vifhusen geheiten dey zuuerlike(*) Gerd vamme Honhus ind ander guder lude genoych In en tugh der warheit al desser vorg puntc zo hebbe ich Reyner van Westerholte richter vorg myn Inghesegel vme bede willen op beyder zit an dessen breyf gehangen Ind to ener merren wishet zo hebbe wi Alef van den Ouerhus ind Gerd vamme Honhus vorg gherichtes lude onse Ingheseghele mit Reyners Seghele vorg samentlike an dessen breyf gehangen datum Anno domini Millesimo Trecentesilno Septuagesimo tercio ln vigilia omnium sanctorum.[Anm. 3]
(*) Im J. 1450 findet sich wieder ein Herman van Vyffhusen geheiten die Zuuerke. Er ist der Vater des Johan von Vyffhusen aus dessen Ehe mit Jutte zwei weltliche Söhne Herman und Engelbert und ein geistlicher Sohn Johan stammen Ersterer scheint keine Leibeserben hinterlassen zu haben Engelbert zeugte mit seiner Gattin Beatrix einen Sohn Wilhelm von Vyffhusen genannt Suverke oder Suverlich Das adlige Haus dieser Herren ist Vettenbouckholtz im Veste von Recklinghausen gelegen Sodann findet sich Johan von Vyfihausen genannt Suverich in der Keyenhorst aus dessen Ehe mit Beatrix von Groll ein Sohn Engelbert stammt welcher des Haus zur Keyenhorst im J. 1576 dem Heinrich Knippinck zum Grimberge verkauft hat
- ↑ Die Quast, auch Quast von Strünkede, sind ein Nebenast der Ritter von Strünkede, welche sich in Gladbeck niedergelassen hatten. Nach ihrem Aussterben erbten die von Oberhausen (Overhaus) ihre Besitzungen.
- ↑ Grumme
- ↑ Zur Datierung vgl.: http://www.albertmartin.de/latein/forum/?view=23157
Literatur
- Strange 1868, S. 56f.
