Urkunde 1338 Juni 7

Urkundentext

7. Juni 1338:
Weistum der Hyemannen und Hofgeschworenen des dem Stifte Essen gehörigen Viehhofes durch ihren Sprecher Rutger von Estern über die Gegenstände (Mobilien), welche bei Vakanz eines Schultheisenamtes von dem Inhaber bzw. den erben des Schultheisen auf dem betreffenden Stiftshofe zurückgelassen werden müssen.

In nomine Domini amen. Universis audituris hoc presens instrumentum publicum ac visuris Lutgardis preposita, Yrmegardis decana, Uda scolastica totumque capitulum secularis ecclesie Assindensis salutem cum notitia veritatis. Noveritis, quod, cum dubium fuerit ortum super eo, quando sculteti curtium spectantium ad ecclesiam nostram Assindensem predictam cedunt vel decedunt et curtes predicte vacant, quid per dictos scultetos curtium predictarum debeat dimitti, et heymanni et lytones coloni et iurati curtis in den Vehove, qui super hoc de antiqua consuetudine hactenus pacifice observata habent diffinire, fuerant vocati et requisiti ex parte venerabilis domine nostre Katherine abbatisse atque nostri, ipsique matura deliberatione prehabita secum et cum peritis responderunt per Rutgerum de Estern, qui vice, iussu, mandato et rogatu omnium dixit et pronuntiavit in hunc modum, quod hactenus observata fuerit a tempore, cuius in contrarium memoria non existit, et ita ab antiquioribus suis viderit observatum videlicet, quod in qualibet curte ecclesie nostre predicte sculteto cedente vel decedente debeant remanere edificia, sepes, stramina, pallee, 2 currus, una biga dicta volgariter stortekarre, unum aratrum, 4 trabe dicte volgariter egheden, 5 equi non meliores nec peiores de hiis, qui fuerant in ipsa curte, 2 tauri, 2 apri, 2 servi, una ancilla, 3 lecti, prout servi et illa una ancilla in ipsis dormire solebant, una olla, unum caldarium, una urna, unum mensale, ununi manutergium, unus canis et 2 catti; ac ea, que super agris talis curtis fuerint seminata, ad usus talis curtis debeant remanere.
In quorum omnium testimonium hoc presens instrumentum publicum per Wernerum dictum In den Passche clericum notarium publicum infrascriptum scribi mandavimus nostreque ecclesie sigilli appensione fecimus communiri.
Actum super dormitorio nostro anno nativitatis Domini M.CCC.^moXXXVIII° indictione VI mensis Junii die septima hora tertia ... presentibus honorabilibus viris domino Wlfardo scultetopastoreecclesie in Paffendorpe, Rutgero de Dorneborg judice pro tempore Assindensi, Telemanno de Hagenbeke sculteto curtis in Nunnynk, Henrico de Lune, Rutgero eius fratre, Hugone dicto Snoych, Henrico dicto uppen Watzere de Paffendorpe, Abelone de Gles ac pluribus aliis fidedignis testibus ad premissa vocatis et rogatis.
Et ego Wernerus dictus In den Passche clericus Coloniensis dioc. etc. Copie im liber catenatus fol. 4v.

Literatur

• Kindlinger 1819 S. 413 f.
• Sommer: Handbuch über die ältern und neuern bäuerlichen Rechtsverhältnisse: In den ehemals Großherzoglich-Bergischen, Königlich-Westphälischen und Französisch-Hanseatischen Preußischen Provinzen in Rheinland-Westphalen, Band 1,Ausgabe 1, 1830. S. 214 f. https://books.google.de/books?id=kptDAAAAcAAJ&printsec=frontcover&hl=de&source=gbs_ge_summary_r&cad=0#v=onepage&q&f=false

Quelle

• Schäfer, Karl Heinrich: Urkunden und Akten des Essener Münster Archivs. In: Historischer Verein für Stadt und Stift Essen: Beiträge zur Geschichte von Stadt und Stift Essen. Bd. 28. Essen 1906 . S. 12 f. Nr. 8