Quelltext der Seite Urkunde 1450 Februar 1

__NOTOC__
{{Urkunde}}
== Urkundentext ==
[[1. Februar]] [[1450]] <br />
Sander von Galen zu Herten und Belie seine Gattin bestimmen was ihre drei Söhne zu ihrem Kindtheil erhalten sollen im Jahre 1450 

Wy Sander van Galen Belie myn echte huesfrouwe Rotger Gerd vnd Ernest van Galen gebroidere Sanders vnd Belien vorg echte sone Bekennet vnd betuget in dessn brieue vor vns vnd vnsse eruen dat wy hebn nae Raide endeell vnsser frunde vnd maghe eyne eyndrechtige gunstige vnd leifflike deelingeto samende beleyuet vnd geholden van endeell vnsses vederliken vnd moderliken erues vnd gudes des malk van vns nu van stunt an synen deell vor sick vnd syne eruen hebn vnd beholden sall als hyr nae bescreuen steit 

Int eirste soe bekenne wy Sander Belie Gerd vnd Ernest vorg vor vns vnd vnsse eruen Soe als Rotger vorg vnsse oldeste sone vnd broider is soe sall he vor sick vnd syne eruen to voren afl hebn vnd beholden dat hues tho Herten myt synen alingen tymmer greuenen dycken wellen vnd vysscherien, als dat tho dem vorg. huese hoird, vnd dar tho Achteundtwintich malder sede landes de he tho dem vorg. huese thor bouwinge hebn vnd beholden still, welke Achtundtwintich malder sede landes genomen sint vthe dessn nabescreuen eruen vnd guderen, de wy Rotgeren vorg. vnd synen eruen tho eren erffliken rechte vnd deele to gewyset vnd gedeilt hebt, als mit namen 

Potingh tho Herten den hoff tho Aselingh tho Herten, Holingh to Herten, vtgescheidedelg vyff schepel korns de des vedderen eruen dar vt hebt, Taseken gut tho Herten, de Kenienaden tho Herten, des stoters koten tho Herten, des Vlockeners koten tho Herten, Goebelen koten tho Herten , dat velthus tho Herten , de Peichoue tho Herten, de Schoppinghoue tho Herten dat schulen gud tho Curwick, Amelingh tho Backem , den hoff thor Lyppe tho Backem, vnd Lysen tor Heide Cunnen vnd Teylen er dochtere vnd vort der dochtere kindere, den Tenden tho Backem, den hoff tho Elpe vnd den koten dar die gude hinrick<ref group="Anm."> "dey gude hinrick" heisst im J. 1420 seligen Gerlachs Sohn von Distelheim. </ref> vppe tho wonende plagh, den Tenden tho Elpe , den broichoff, , den Tenden tho Herten, dat Bakengud tho Herten , die Schenkebrincksche houe tho Herten , Berndinch tho Herten , die Hiddekessche wourd , die Gülbecke tho Herten , 

vnd vyff marck tho borglene die ich Sander vorg. heb van mynen gneidigen heuen van Coelne, wu alle desse vorg. Erue gude vnd lulle geheiten vnd gelegen sint In holte in velde in torue in twighe in water ind in weide myt alle erer slachter nut vnd olden vnd nyen tobehoringen vnd nicht dar van vtgescheiden, die sall Rotger vorg. vor sick vnd syne eruen tho eren erffliken rechte affscheide vnd deele hebn vnd beholden vnd sall dar mede nu vortmer beeruet syn vnd wy off vnsse eruen sult dar mede nu enteruet wesen tho ewigen dagen Vort soe bekenne wy Sander Belie Gerd vnd Ernest vorg. vor vns vnd vnsse eruen, dat Rotger vorg. sall van stunt an nae doide Sanders vorg. tho dessen vorg. synen togewiseden vnd affgedeelden eruen vnd guderen vor sick vnd syne eruen hebn vnd beholden den Ebdinchoff tho Hillen mit alle synen tobehoir luden vnd guden nicht dar van vtgescheiden wu dat ouch is in holte in velde in torue in twige in water vnd in weide mit alle sir slachter nut vnd olden vnd nyen tobehoir, vnd sodane vogetbede als ich Sander vorg. heb vte den vorg. houe tho Hillen nae vtwysinge eyns brieffs den de Merkesschen herren darupp gegeuen hebt, beheltlich Bellen vorg. erer lyfftucht dar ane, Vort soe bekenne wy Sander Belie Rotger vnd Ernest vorg. vor vns vnd vnsse eruen, dat Gerd vnsse sone vnd broider sall teghen dit vorg. gud dat Rotger vnd synen eruen togewyset vnd gedeilt is tho syme deile vnd erffliken rechte vor sick vnd syne eruen nu van stunt an hebn vnd beholden dat Vlenbroick mit synen alingen tobe-hoir als ich Sander vorg. dat heb van Arnde van den Hamme nae vtwysinge der breue darupp sprekende, Twelfftehalff malder korns des Jairs de ich Sander vorg. heb van Hasenkamppe<ref group="Anm.">vollständig, Heinrich von der Bruggeneye genannt Hasenkamp.</ref>  

vte den '''houe tho Sodingen''' nae vtwysinge der breue darupp sprekende, Theyndehalff schepel korns des Jairs de ich Sander vorg. 

heb van [[Von Eickel (Adelsgeschlecht)|Johanne van Eickell]] Hennekens sone vte den besengeilen houe nae vtwysinge der breue darupp spreizende, Eynen koten gelegen by der Bullekes moilen myt synen tobe-hoir veir vnd twintich gude zware ouerlendessche Rinssche guldene geldes Jairlix Renthe vnd gulde de ich Sander vorg. heb vte den hone tho Gansberge vnd vthe der Spikerhoue tho Boile, 

Vnd wy Sander Belie Rotger vnd Ernest vorg. sult nu vortmer hyr mede enteruet wesen vnd Gerd vnd syne eruen sult dar weder van stunt an beeruet wesen tho ewigen dagen, Ouch so bekenne wy Sander Belie Rotger vnd Ernest vor vns vnci vnsse eruen dat Gerd vnsse sone vnd broder vort van stunt an nae myns Sanders vorg. doide saht tho dessen synen togewiseden gude vor sick vnd syne eruen hebn vnd beholden dat gut tho Kornharppen mit synen alingen tobehoir luden vnd guden, dat ich Sander vorg. van Euerde van der Goyen <ref group="Anm.">Bernd von der Heide Gosteke seine Gattin und Gertrud Arnd und Bernd ihre Kinder verkaufen im J l4l9 dem Evert von der Goye das Gut zu Karenharpen im Kirspel von Harpen gelegen das ihm Bernd von seinem Bruder Diederich von der Heide anerstorben ist Im J 1426 verkaufen nun Evert von der Goye und Goedert Evert Diederich und Elseke seine Kinder ihr Gut zu Karnharpen geheiten dat gut dar bouen vnd de lude de dar nu tor tyt oppe wonachtich synt als myt nameu Cone dar bouen vnd aleke syn Echte husvrowe vnd er kyndere dem Sander von Galen Rotgers Sohn </ref> kreigh wu dat is in holte in velde in torue in twige in water vnd in weide mit aller slachter nut vnd olden vnd nyen tobe-horingen nicht darvan vtgescheiden, vnd den Teeden tho olden Mengede mit synen alingen tobehoir beheitlich Bellen vorg. erer lyfftucht dar ane, Ouch soe bekenne wy Sander Belie Rotger vnd Gerd vor vns vnd vnsse eruen dat Ernest vnsse sone vnd broider sall tegen desse vorg. Erue gude Renthe gulde vnd lulle de soe vns Rotgere vnd Gerde togewiset is, dit. nabescreuen van stunt an tho synen deele vnd erffliken rechte vor sich vnd syne eruen hebn vnd beholden, den hoff thor Spelebrinch gelegen in dem kerspele van Wattenscheide mit synen alingen tobehoir luden vnd guden vyff guldene geldes de ich Sander vorg. heb van Johanne van Dailhusen, Sess guldene geldes die ich Sander vorg. 

heb van Lamberte van Herten, Vnd wy Sander Belie Rotger vnd Gerd bekennet, dat wy vnd vnsse eruen sult vnd wilt nu vortmer hyr mede enteruet wesen vnd Ernest vnd syne eruen sult dar weder im van stunt an mede beeruet wesen tho ewigen dagen Ouch soe bekenne wy Sander Belie Rotger vnd Gerd vor vns vnd vnsse eruen dat Ernest vorg. ouch van stunt an nae myns Sanders vorg. doide sall tho synen vorg. togewiseden gude vor sick vnd syne eruen hebn vnd beholden dat gud thor Ouer-straten tho Kornharppen mit synen alingen tobehoir, vnd den Tenden tho Redelinchusen mit synen tobehoir, beheltlich ouch Belien vorg. erer lyfttueht dar ane, Alle desse vorg. punthe vnd Articule vnd eyn Itlich bysunder heb wy alle vorg. vnd malk dem andern bysunder gelouet vnd gesekert in guden truwen wair stede vast vnd vnuerbroken tho holden sonder Argelist, vnd wy Rotger Gerd vnd Ernest vorg. hebt dit seine vorg. vort mit vnssen vpgerichteden lyffliken vingeren gestauedes eides malk vor sick vnd syne eruen dem andern vnd synen eruen ouer die hilgen gesuorn wair stede vast tho holden sonder Irhande Indraght off Argelist, 

Vnd wy Sander Rotger Gerd vnd Ernest hebt desses to Tuge der wairheit vnsse Segele vor vns vor Belien vorg. vnd vnsse eruen an dessen breff gehangen , vort soe bekenne wy Sander Belie Rotger Gerd vnd Ernest dat wy hebn gebeden [[Von der Dorneburg gen. Aschebrock (Adelsgeschlecht)|Johanne van der Dorneborgh geheiten Asschebroick Johans zone]] , Johanne van Galen den olden Jobans zone , Gertie vnd Aleue van Bodelzwinge gebroidere dat se tho eynen meren Tage der wairheit alle desser vorg. punthe vnd Articule hebt ere segele mede by de vnsse an dessen breff gehangen — 

Gegeuen in den Jairen vnsses herren Dusent veirhundert vyfftich vpp vnsses lieuen vrouwen Auendt tho lechtmyssen
</div>
 <references group="Anm.">
</references>
==Literatur==
*[[Strange 1868]], S. 46f.
== Siehe auch ==
{{Spezial:Linkliste/{{PAGENAME}}|Limit:500|namespace=0}}
== Quelle ==
<references/>

[[Kategorie:Urkunde]]
[[Kategorie:1450-1499]]